Umoja wa vyuo 6 kutatua tatizo la makazi kwa wanachuo katika vyuo husika

Umoja wa mawaziri wa mambo ya nje (off Campus/ foreign/ external affairs) kutoka vyuo sita (6) (IFM, DMI, MAGOGONI, MWALIM NYERERE, CBE, & DIT) leo tarehe 08/09/2016 ndani ya chuo cha usimamizi wa fedha (IFM) ikiundwa na Baraza la mawaziri, manaibu, pamoja na makatibu wa wizara za mambo ya nje (Off campus) wakishirikiana na wabunge/ wawakilishi maeneo kutoka Ferry, Kigamboni, Tuamoyo, Tungi, Muungano, Magomeni, K/koo, Magomeni, na kinondoni. Kwa umoja wao wakitambulika kama OCM (Off Campus Ministries) wamemteua Mh. Suka, Machomane J kutoka IFM kuwa mshikiliaji wa nafasi ya mwenyekiti wa umoja huo kabla ya uchaguzi rasmi.

OCM

Umoja wa wizara za off campus chini ya mwenyekiti teule Mh. Suka, Machomane J. Inapenda kutangaza utaratibu mpya ambao utanufaisha wanachuo na jamii nzima kwa ujumla. 

KWANZA

OCM wanapenda kuwatangazia wanavyuo wote (IFM, DMI, DIT, CBE, MWALIM NYERERE NA MAGOGONI) Kuwa imeanzisha mfumo wa kuwatafutia wanavyuo makazi kwa wote wanaotaka kukaa nje ya hostel za chuo husika.

NINI UNATAKIWA KUFANYA KAMA MWANACHUO?

Mwanachuo atahitajika kufika au kutuma muwakilishi wake(kwa wanafunzi walioko mikoani) kufika katika ofisi za serikali ya wanafunzi ( IFM-SO, MA-SO, COBE-SO, DIT-SO, DIM-SO, au TPSC-SO)na kuacha majina yake matatu, namba za simu, na ainishe anapotaka kwenda kukaa, pia abainishe kama anahitaji kukaa hostel au kuchukua chumba, na kama ni chumba aweke wazi ni cha peke yake au cha wawili.

MWISHO

Mwenyekiti wa OCM, akishirikiana na wajumbe wa maeneo, kila siku ya jumamosi mwenyekiti atawafikisha wanafunzi katika makazi waliyochagua. 

FAIDA ZA MFUMO WA KUWATAFUTIA WANACHUO MAKAZI

FAIDA KWA WANACHUO:

1)      Kuwalinda wanachuo wetu kutapeliwa na madalali wasiokuwa waaminifu.

2)      Kuepusha kero kwa wanachuo kudaiwa pesa za udalali na madalali wengine kuomba pesa mara mbili, kwa mwanachuo na kwa mmiliki wa hostel au vyumba.

3)      Kuwadhamini na kuwaombea wanachuo makazi. Endapo mwanachuo amekosa pesa ya kulipa kodi kwa wakati, OCM watakuwa wakiwaombea wanachuo wapatiwe makazi na wamiliki wa hostel au vyumba, pindi mwanafunzi atapata kodi atatakiwa kumlipa mmiliki kwa wakati.

4)      OCM itapata kutambua maeneo yanayokaliwa na wanachuo. Kamati nzima itakuwa ikifanya ziara katika maeneo ambayo inayatambua kwaajili ya kubaini matatizo katika maeneo hayo na kwa haraka kutafuta ufumbuzi wa matatizo hayo.

5)      OCM kupata taarifa kwa wakati endapo mwanachuo anaumwa, kaibiwa, anaonewa au kunyanyaswa, na kujua kero zifanywazo na wanachuo kirahisi.

6)      Kufufua uhusiano mzuri kati ya wamiliki na wanachuo, wanachuo na OCM, OCM na wamiliki, na kati ya OCM na serikali za mitaa.

7)      Kuwatafutia wanachuo makazi yenye bei nafuu, na OCM kufanya ukaguzi na upatikanaji wa umeme, maji, maliwato na sehemu za kusomea (Viti na Meza).

8)      Mwanachuo hatochajiwa chochote na kiongozi au mwanakamati yeyote, NI BURE. 

FAIDA KWA WAMILIKI

1)      OCM itawasaidia wamiliki kutodhulumiwa kodi zao na wanachuo.

WABUNGE/ WAWAKILISHI WA MAENEO (OFF CAMPUS)

S/N	JINA	NAMBA YA SIMU	ENEO	CHUO
1.	EMMANUEL I. NYAMSABA	0653 355 815	KIGAMBONI	IFM
2.	MWAWEZA WATSON GIDEON	0625 484 866	MAGOGONI	IFM
3.	ROMWARD ABEL	0712 994 423	MUUNGANO	IFM
4.	GODLISTEN MUSHI	0656 839 732	TUNGI	IFM
5.	HEMED YAHYA	0655 397 826	FERRY	IFM
6.	JOSEPH BONIPHACE	0688 028 382	TUAMOYO	IFM
7.	RUKIA MSEMWA	0766 817 568	KARIAKOO	TPSC
8.	VESTINA B. VEDASTO	0715 748 350	MAGOMENI	DIT
9.	ELIZABETH D. MELLECK	0659 118 411	KINONDONI	DIT
10.	HENRY A. JANE	0687 410 552	KINONDONI	DIT

NB:

-          Kuainishwa kwa chuo cha mbunge au muakilishi haina maana ya kuwa hawezi kutoa huduma kwa mwanafunzi tofauti na chuo chake.

-          Kumbuka huu ni umoja wa vyuo (6) (na kuna uwezekano wa kuongezeka). Ni jukumu la kila mmoja katika OCM kumhudumia mwanafunzi yeyote kutoka katika chuo chochote miongoni mwa vyuo sita mwenye shida inayohusu Off campus.

Share on Google Plus

About UPStream Telecom